السلام عليكم
اللعبة : بلياردو billiards
النوع : PC online
الموقع :
http://www.gamezer.com/billiards/الشرح :
طريقة التسجيل عند الدخول على الرابط اللي قبل شوي بيجيك مربع على اليمين بالشكل هذا
اضغط على المحدد بالمربع الابيض يطلع لك مربع بالشكل هذا
كتب البيانات مثل الي موضح بالصورة .. عاد لحد يصير متنح ويكتب نفس البيانات
.. اكتب بياناتك الشخصية
والخيارات الثلاث الي تحت سو مثل الي انا مسوي .. واذا حبيت تشيل الخيار الاخير (يظهر علم دولتك للاعبين) نو بروبل شيلهم
بعد ماتكمل البيانات وكل شي تمام اضغط Ok .. ويجيك اطار بالشكل هذا للموافقة على الشروط
بعدين اخر شي اذا كان كل شي تمام وتم التسجيل بنجاح يجيك اطار بالشكل هذا
الحين كل شي تمام وصار نكك جاهز للعب .. وعشان تسجل دخول اضغط Login الموجودة بالصورة
او اذا حبيت تدخل بعدين من عند المربع حق التسجيل تحط ايميلك والباسورد مثل كذا
وتضغط على السهم اليمين .. وتدخل على قائمة الرومات ويجيك الشكل هذا موضح عليه البيانات
من هنا تقدر تدخل أي روم اذا ماكانت مليانه .. والعدد الاقصى بالروم 120 يوزر .. احيانا تبي تدخل روم ومايدخلك تجيك رسالة ان الروم مليان .. لو تحاول اكثر من مرة يمديك تدخل. . او دور روم ثاني
المهم بعد ماتدخل أي روم يجيك الشكل هذا
عندك بالصورة محدد على 3 اشياء .. الي بالزاوية يمين رقم الروم
(101)والي بالنص اللاعبين الي قاعدين يلعبون الحين تقدر تدخل تتفرج عليهم .. والي محدد عليه
New Game هذا اذا بغيت تلعب مع الكمبيوتر
وعشان تلعب تضغط على المربع هذا ويطلع لك مربع بالشكل هذا
عندك اول خيار
Game Type نوع اللعبة الي تبي تلعبها
بعدين الخيارات الي عليها علامة صح
الاول : تخلي اللعبة مفتوحة يقدر الزوار يدخلون يتفرجون عليك
الثاني : تلعب مع الكمبيوتر
الثالث : استخدام دليل الاسهم (يصلح للمبتدئين)
طيب الحين عندك بالصورة للروم العام فوق المربع المحدد على اليسار .. على قائمة الاعضاء (اللاعبين)
يجيك عند كل نك من اللاعبين 3 مربعات صغيرة
اول واحد من اليسار يطلع لك معلومات عن اللاعب
الثاني الي بالنص ترسل رسالة خاصة للعضو (الرسالة تطلع بقائمة المحادثات العامة الي يمين الشاشة لكن مايشوفها الا العضو المحدد)
الخيار الثالث الي باليمين هذا لدعوة اللاعب عشان يلعب معك .. واذا ضغطت عليه يجيك مربع مثل كذا
طيب قبل لا ادخل بشرح اللعبة .. اذا كنت موجود بالروم وجتك دعوة مع احد اللاعبين .. عشان تعرف نوع اللعبة واذا كان اللعب بدليل (
قايد guide ) او بدون .. تجيك الدعوة بالشكل هذا
عند بالسطر الاول نك اللاعب
السطر الثاني نوع اللعبة الي محدد عليه بالمربع
السطر الاخير اذا كان اللعبة باستخدام (قايد) او بدون .. الي موضح بالصورة هنا بدون قايد .. محدد بالمربع الابيض على كلمة
NOT .. وهذي اذا كنت مبتدئ لاتقبلها لانها صعبة شوي بالبدايات
وممكن تجيك دعوة بالشكل هذا
نفس الشي لكن الفرق بالسطر الاخير ان اللعبة هذي باستخدام (قايد) .. لاحظ الفرق بين الصورتين
واذا تبي تقبل الدعوة وتلعب اضغط على
Acceptطيب الحين اذا دخلت اللعبة بتجيك بالشكل هذا (اذا كانت اللعبة باستخدام القايد)
عند المربعين المحدد عليهم فوق الطاولة
Show Guide هذا علشان يطلع لك الخط المساعد باللعبة .. اذا ضغطت عليه يطلع لك مثل الشكل هذا
واذا تبي تلغيه اضغط مرة ثانية على نفس المربع المحدد
والمربع الثاني الي على اليمين
Show Refraction علشان يطلع لك الانكسار اذا بغيت تضرب لعبات عكسية وحركات احترافية
.. بس مايطلع الانكسار هذا الا اذا كنت مطلع خطوط القايد قبل .. ويطلع عندك بالشكل هذا
والحين مالك الا انك تلعب ليييين تدوخ .. تجرب وتشوف ومع الوقت يمكن اشياء ماعرفتها او مافهمتها تتبين لك
ابي اذكر هنا بشكل مختصر انواع لعبات
البلياردو الموجودة .. والي تطلع لك بخيارات اللعب
8-ball .. الي هي بنظام الصغير والكبير المعروف والمشهور
9-ball .. نظام الترتيب تبدا بتسجيل الكور من 1-9
Straight Pool .. اكثر لعبة تلعب بالموقع والي هي نظام حر تسجل أي كورة قدامك .. يعني اضرب وانت مغمض
Snooker .. هذي والله لعبة الابداع والفن .. وهي الي تسجل كورة حمراء بعدها كورة ملونة (غير الاحمر) وكل لون له عدد من النقاط .. معرفهوش بالزبط
.. وميزتها الاخطاء تحسب عليك كل خطا 7 نقاط
هذا بشكل عام ومختصر .. وعشان تفهم اكثر اكيد لازم تلعب وتجرب وتشوف .. والمستجد لازم يلعب مع الكمبيوتر كثير عشان يتعلم ويعرف
